Би НАМЗХ гэдэг байгууллагад 2010 онд анх удирдах зөвлөлийн гишүүнээр сонгогдож Х.Булгантуяа гэх өндөр боловсролтой, ажил хэрэгч эмэгтэйтэй холбооны удирдлагын багт ажиллаж байсны хувьд эрхэм найзын хөдөлмөрч, хичээнгүй, ёс зүйтэй, ажил хэрэгч чанарыг сайн мэднэ.

АНУ, БНХАУ-д боловсрол эзэмшсэн дэлхий хэмжээнд үнэлэгдэх өндөр ур чадвартай түүнийг дэлхийн аль ч улсад ажиллах боломж байсан ч Монголдоо зүтгэх шийдвэр гаргаж төр түмний төлөө зүтгэж буйд нь талархалтай байдаг. Сүүлийн үед түүнийг олон нийтийн сүлжээгээр элдэв бусаар гүтгэж дайрч буйд үнэхээр сэтгэл зовниж байна.

Хаанаас нь үл мэдэгдэх хуурамч хаягуудаар зохион байгуулалттайгаар гүжирдлэг явуулж буй нь яг л үе үе яваад байдаг технологийг санагдуулна. 2012-2016 онд УИХ-ын гишүүнээр ажиллаж байсан, үнэхээр сор болсон боловсролтой гишүүн гэж нэрлэгдэх Батчимэг гишүүнийг яг л ингэж хятадын тагнуулаар нь цоллож хэвлэлээр гөвж зогсоо зайгүй нүдэж байсан. Ийм технологоо больвол яасан юм бэ?

Эх хүн, эхнэр хүнийхээ үүргийг биелүүлэхийн хамт улс төрд зориг гаргаж орж санаачлагатай ажиллаж буй эмэгтэй хэдэн гишүүдийг ингэж харлуулахаа зогсоомоор байна. Хуурамч хаягуудаар, хэн бичсэн нь үл мэдэгдэх нөхдүүд хов бичиж суухаа зогсооно уу. Арай хэтэрч байна шүү.